ମୋ ପାଇଁ ପୁଣ୍ୟ ଭୂଇଁ ମୋ ଓଡ଼ିଶା
ତା କୋଳ ସରଗ ପୁର
ଶିଖେଇଛି ମୋତେ ଜୀବନର କଥା
ଭାବିନି କାହାକୁ ପର ।।
ପାହାଡ଼ ପଵନ ସରିତ ସାଗର
ଝରଣାର କୁଳୁ ସୁର
ମିଠା କଥା କହି ମନ ମୋହିବାକୁ
କାନେ କାନେ କହେ ମୋର ।।
ପିତାମାତା ଭଳି ଜୀବନ୍ତ ଦେଵତା
ସେନେହ ମମତା ଝର
ସବୁତ ଦେଇଛି ଶକତି ଭରିଛି
ଚାଲିବାକୁ ପଥଧାର ।।
ଘେରି ରହିଛନ୍ତି ଚାରିକଡେ କେତେ
ପ୍ରିୟ ସଖା ସହୋଦର
ଦୁଃଖ ସୁଖ ଵାଣ୍ଟେ ସେମାନଙ୍କ ସହ
ନିଜଠୁ ପରା ନିଜର ।।
ସେଇ ମୋ ଉତ୍କଳ ତା ପୋଥି ପୁରାଣ
ମନରେ କରିଛି ଘର
ଭଜି ଭଜି ନିତି ତା ମଧୁର ବାଣୀ
ପବିତ୍ର ହୁଏ ଅନ୍ତର ।।
ଆସରେ ସଭିଏଁ ଆଗଭର ହେବା
ରୁଣ ଶୁଝିଵାକୁ ତା’ର
ଭେଦଭାବ କିଛି ରଖିବାନି ମନେ
ସଂସାର ହେବ ସୁନ୍ଦର ।।
ହାସ୍ୟମୟୀ ରାଜ
ଓରାଳି, ହାଟଡିହି, କେନ୍ଦୁଝର
ମୋ – ୯୪୩୮୧୯୧୮୫୦